WhatsApp Image 2023-06-24 at 19.09_edited.jpg

Saimir Kumrija

Registered Foreign Lawyer

Immigration Department

Bowden Jones Solicitors - London

Phone:

+44 7788 634163

Email:

skumrija@bowdenjones.co.uk

Area of expertise:

Migration Law

Geographical area of operation:

Great Britain; Albania; Italy

About Me

Dear Reader,

Allow me to introduce myself briefly. My name is Saimir Kumrija. I am a qualified lawyer in Albania, and since July 2022, I have held Registered Foreign Lawyer (RFL) status in the United Kingdom.

I work within the Immigration Department at Bowden Jones Solicitors, where I support the structured preparation and coordinated progression of immigration matters as part of the firm’s internal case management framework.

My role involves working closely with the firm’s solicitors and regulated legal professionals in the preparation, organisation, and procedural coordination of immigration cases. I contribute to the management of departmental workflow, the structured preparation of documentation, and the internal coordination required to ensure that cases progress efficiently within the firm’s supervised and regulated environment.

I am involved in matters across a broad range of immigration areas, including business immigration, family and private life applications, British nationality, protection claims, detention, bail matters, and appeals.

Being fluent in Albanian, English, and Italian enables me to assist clients with cross-border connections between the United Kingdom, Albania, and Italy, particularly where cases involve international personal or business interests.

I hold a Master’s degree in Legal Sciences from the University of Rome “Tor Vergata” (2015).

Contact me

Phone

Tek e @ediell_topchannel
Si mund t’i zgjidhin emigrantët sfidat dhe problemet në Shqipëri, edhe kur jetojnë jashtë vendit?

Nga procedurat administrative dhe dokumentacioni, te çështjet ligjore, pronat, investimet dhe shërbimet publike, gjithnjë e më shumë procese mund të menaxhohen në distancë.

Në këtë bisedë do të diskutojmë:

- Sfidat më të zakonshme me të cilat përballen shqiptarët që jetojnë jashtë.
- Mundësitë për t’i zgjidhur këto çështje pa qenë fizikisht në Shqipëri.
- Si teknologjia dhe shërbimet në distancë po e bëjnë më të lehtë ruajtjen e lidhjes me vendin.

Në një bisedë informuese për A2 CNN

Kjo bisedë ka vetëm qëllim informues dhe mbështetet ekskluzivisht në ligjet e shkruara dhe në dispozitat ligjore në fuqi.

Informacioni i paraqitur nuk përbën këshillë juridike individuale dhe çdo rast duhet të shqyrtohet veçmas, sipas rrethanave konkrete.
Video e plote ne story.

Dënimet e para me burg sipas ligjit të ri për kalimet me varka

Në 10 qershor 2026, autoritetet britanike njoftuan dënimet e para me burg për persona të shpallur fajtorë për rrezikimin e jetës së të tjerëve gjatë kalimeve me varka drejt Mbretërisë së Bashkuar. Dy personat u dënuan përkatësisht me 2 vjet dhe 2 vjet e 3 muaj burg.

Ligji i ri hyri në fuqi në janar 2026 dhe parashikon:

• deri në 5 vjet burg për rrezikimin e jetës së personave të tjerë gjatë një kalimi detar drejt Britanisë;
• deri në 6 vjet burg kur rasti lidhet edhe me hyrjen në kundërshtim me Deportation Order.

Si u zhvillua ligji?

📍 Qershor 2022
Hynë në fuqi ndryshimet që përfshinë më qartë si vepër penale edhe mbërritjen në Britani pa vizën ose autorizimin e kërkuar. Dënimi maksimal për hyrjen, mbërritjen ose qëndrimin pa leje mund të arrijë deri në 4 vjet burg, ndërsa rikthimi në shkelje të një urdhri dëbimi mund të dënohet deri në 5 vjet.

📍 28 prill 2022
U miratua Nationality and Borders Act 2022, i cili ndryshoi nenin 24 të Immigration Act 1971.

📍 1971
U miratua Immigration Act 1971, ligji bazë që rregullon hyrjen, qëndrimin dhe kontrollin e emigracionit në Mbretërinë e Bashkuar.

Dënimet prej 4, 5 ose 6 vjetësh janë maksimumet që lejon ligji dhe nuk zbatohen automatikisht për çdo person. Çdo rast shqyrtohet individualisht, sipas veprimeve, provave dhe rrethanave konkrete.

Burimet zyrtare

Immigration Act 1971, Section 24
Nationality and Borders Act 2022, Section 40
Border Security, Asylum and Immigration Act 2025
Crown Prosecution Service – Dënimet e para, 10 qershor 2026
Crown Prosecution Service – Immigration guidance
Home Office – Offence of endangering another during a journey by sea

Në Euronews Albania diskutuam mbi shkrimin investigativ të “The Sun”, ku ngrihet shqetësimi për përdorimin e jahteve luksoze në trafikimin e klandestinëve drejt Mbretërisë së Bashkuar dhe për rolin e rrjeteve shqiptare në këtë skemë.

Ky është një fenomen që nuk mund të lexohet vetëm si lajm sensacional apo si histori kalimi kufijsh. Përtej imazhit të një udhëtimi të rrezikshëm, qëndron një realitet më kompleks: rrjete kriminale që përfitojnë nga dëshpërimi, mungesa e perspektivës dhe iluzioni se hyrja ilegale është një zgjidhje.

Pyetja kryesore nuk është vetëm si kalohet në UK.

Pyetja që duhet të na shqetësojë më shumë është: çfarë ndodh më pas?

Çfarë ndodh me ata që hyjnë ilegalisht, pa status, pa mbrojtje dhe shpesh pa mundësi reale për një jetë të sigurt? Sa prej tyre përfundojnë të varur nga persona apo rrjete që i shfrytëzojnë? Sa e kuptojnë se borxhi ndaj trafikantëve nuk mbaron në momentin kur mbërrijnë?

Këto histori nuk nisin dhe nuk përfundojnë në një jaht, në një kamion apo në një kufi. Ato vazhdojnë në punë të pasigurta, në frikën nga autoritetet, në izolim dhe në një cikël të ri varësie.

Prandaj, diskutimi duhet të shkojë përtej titujve. Duhet të flasim për arsyet pse të rinjtë largohen, për mënyrën si rekrutohen, për pasojat ligjore dhe njerëzore, por edhe për përgjegjësinë që kanë shoqëritë tona për të mos normalizuar migracionin ilegal si “rrugë suksesi”.

Migracioni është një realitet social. Trafikimi është krim. Dhe mes tyre ka jetë njerëzish që shpesh mbeten pa zë.

Intervista e plotë në story link 🔗

Sfidat ligjore të emigrantëve shqiptarë jashtë Shqipërisë – Si t'i zgjidhni pa udhëtuar në Shqipëri

Shumë emigrantë shqiptarë përballen me probleme që kërkojnë zgjidhje nga distanca, sidomos kur bëhet fjalë për:

🏠 Çështje pronësie
👥️ Divorc - Shkurorëzim
✍🏻 Çështje penale
📄 Dokumente dhe prokura
⚖️ Përfaqësim ligjor
👨‍👩‍👧 Trashëgimi dhe çështje familjare
🔐 Këshillim i sigurt dhe profesional

Lajmi i mirë është se shumë procedura mund të ndiqen pa qenë e nevojshme të udhëtoni menjëherë në Shqipëri. Me këshillimin e duhur ligjor, mund të kuptoni më qartë të drejtat tuaja, dokumentet që ju duhen dhe hapat që duhet të ndiqni. ✅

📌 Në blogun e ri shpjegojmë sfidat më të zakonshme ligjore për emigrantët shqiptarë dhe si mund të zgjidhen në distancë.

🔗 Lexoni artikullin e plote ne story!
#SaimirKumrija #LegalServices #ShqiptaretJashte #EmigrantetShqiptare #ShqiptaretNeUK

Rasti i fundit i një shtetasi shqiptar të dënuar pas kalimit të Kanalit Anglez duhet parë në një kontekst më të gjerë sesa vetë procedimi penal.

Edhe kur procedurat ligjore kërkojnë më shumë kohë, ato mbeten rruga më e sigurt për të ndërtuar një të ardhme të qëndrueshme, për të mbrojtur veten dhe familjen, dhe për të shmangur pasojat që sjellin rrugët e parregulltashtyjë njerëzit drejt vendimeve të vështira.

Megjithatë, rruga e kalimeve me gomone mbetet një nga mënyrat më të rrezikshme për të mbërritur në Britani. Përveç rrezikut të drejtpërdrejtë për jetën, personat përballen edhe me pasoja të konsiderueshme ligjore që mund të ndikojnë në të ardhmen e tyre emigratore.

Dënimet e fundit tregojnë se autoritetet britanike po zbatojnë një qasje gjithnjë e më të ashpër ndaj hyrjeve të parregullta. Për këtë arsye, kushdo që po konsideron emigrimin drejt Mbretërisë së Bashkuar duhet të informohet me kujdes për alternativat që ekzistojnë dhe për mundësitë që ofron sistemi ligjor i emigracionit.

Asnjë projekt për një jetë më të mirë nuk duhet të fillojë duke rrezikuar jetën në det ose duke rënë në duart e trafikantëve. Edhe kur procedurat ligjore kërkojnë më shumë kohë, ato mbeten rruga më e sigurt për të ndërtuar një të ardhme të qëndrueshme, për të mbrojtur veten dhe familjen, dhe për të shmangur pasojat që sjellin rrugët e parregullta.

🎙️ Në Euronews diskutuam për një nga temat më shqetësuese të ditëve të fundit: hetimin e BBC-së mbi skemën e kontrabandës së emigrantëve dhe mënyrën se si disa biznese në Mbretërinë e Bashkuar dyshohet se janë përdorur për pagesat e kalimeve të paligjshme me gomone.

Kjo nuk është vetëm çështje emigracioni. Është çështje kriminaliteti të organizuar, financash të dyshimta dhe shfrytëzimi të njerëzve në situata të vështira.

Përfshirja, qoftë edhe indirekte, në transaksione të tilla mund të sjellë pasoja serioze ligjore.

Rruga më e sigurt mbetet gjithmonë ajo ligjore, e informuar dhe e këshilluar nga profesionistë.

🎥 Ndiqni videon për më shumë. Link ne story!

Sipas The Telegraph, në tre muajt e parë të vitit 2026, 63 shqiptarë janë dërguar në burg në Britani, çka është paraqitur me formulimin “një çdo dy ditë”. Në raportimin britanik, kjo çështje lidhet edhe me debatin më të gjerë për emigracionin e parregullt, burgjet dhe kthimet e shtetasve të huaj. (The Telegraph)

Në mediat britanike, tema po trajtohet jo vetëm si çështje penale, por edhe si çështje politike dhe migratore. Kjo lidhet me faktin se shqiptarët kanë qenë ndër kombësitë më të përfaqësuara në statistikat e të burgosurve të huaj në Angli dhe Uells, ndërsa debati shpesh vendoset në kontekstin e hyrjeve të parregullta të viteve të fundit. (GOV.UK Assets)

Në këtë intervistë, kam ndarë një lexim më të kujdesshëm të kësaj çështjeje: çfarë po thuhet në media, çfarë tregojnë statistikat zyrtare dhe pse është e rëndësishme që këto të dhëna të lexohen me kontekst, pa kaluar në përgjithësime për gjithë komunitetin shqiptar në Mbretërinë e Bashkuar. (GOV.UK Assets)

📌 Disa nga pikat kryesore të diskutimit:
▪️ çfarë pretendon The Telegraph
▪️ pse kjo temë po del fort pikërisht tani
▪️ si lidhet debati me politikat britanike për emigracionin dhe kthimet
▪️ çfarë tregojnë realisht statistikat zyrtare
▪️ pse duhet dalluar mes rasteve individuale dhe komunitetit shqiptar në tërësi

📺 Intervistën e plotë e gjeni ne story

Emigrimi i paligjshëm drejt Mbretërisë së Bashkuar nuk është një zgjidhje e sigurt, por një rrugë që mund të sjellë pasoja të rënda ligjore dhe personale.

Në intervistën time në Ora News, kam folur për këtë realitet, për rreziqet që mbart kjo rrugë.

📌 Disa fakte që duhen ditur:

• Në vitin 2025, në Mbretërinë e Bashkuar mbërritën me gomone 41,472 persona, shifra e dytë më e lartë që nga fillimi i regjistrimeve zyrtare (House of Commons Library, 2026).

• Nga 2018 deri në 2025, janë regjistruar rreth 193,000 mbërritje me gomone në total (House of Commons Library, 2026).

• Në statistikat më të fundit zyrtare për vitin që përfundon në shtator 2025, shqiptarët nuk janë më në mesin e 5 kombësive kryesore që mbërrijnë me gomone, ndryshe nga vitet e mëparshme (Home Office, 2025).

• Sipas udhëzimit të përditësuar të Home Office, aplikimet për shtetësi britanike të bëra pas 10 shkurtit 2025 që përfshijnë hyrje të paligjshme në MB, normalisht do të refuzohen në vlerësimin e kriterit të “good character” (Home Office, 2025).

Si profesionist i fushës së emigracionit, e konsideroj shumë të rëndësishme që qytetarët të informohen drejt, me fakte dhe me qartësi ligjore, përpara se të marrin vendime që mund të kenë pasoja afatgjata.

🎥 Ndiqni intervistën e plotë në Ora News.
Falrminderit @lilisaraci

Njoftim i rëndësishëm për shqiptarët që udhëtojnë drejt Mbretërisë së Bashkuar 🇬🇧

Nëse je shtetas shqiptar dhe aplikon për vizë vizitori për në UK, nga 25 shkurt 2026, në shumicën e rasteve, nuk do të marrësh më vizë si ngjitëse në pasaportë.

Në vend të saj, do të marrësh një eVisa – pra, një vizë elektronike, që ruhet online në llogarinë tënde UKVI.

✅ Çfarë do të thotë kjo për ty?
• nuk pritet më sticker-i i vizës në pasaportë, në shumicën e rasteve
• statusi i vizës kontrollohet online
• para udhëtimit, duhet të kesh akses te llogaria jote për të parë vizën

E rëndësishme:
Mënyra e aplikimit për vizë nuk ndryshon, ndryshon vetëm forma se si jepet dhe provohet viza: tani po kalon në format digjital.

Burimi zyrtar:
GOV.UK – Updates on the move to eVisas
GOV.UK – Living in the UK: applying from overseas

🎄Gëzuar Krishtlindjet dhe Vitin e Ri!
Ju urojmë paqe, shëndet dhe gëzim gjatë festave, si dhe një Vit të Ri plot shpresë, suksese dhe mundësi të reja.
Faleminderit për besimin dhe bashkëpunimin tuaj.

Merry Christmas and Happy New Year!
We wish you peace, happiness, and joy during the festive season, and a New Year filled with new opportunities, success, and hope.
Thank you for your trust and continued collaboration.

Me urime më të mira,
Warm wishes,

𝑆𝑎𝑖𝑚𝑖𝑟 𝐾𝑢𝑚𝑟𝑖𝑗𝑎
𝐻𝑒𝑎𝑑 𝑜𝑓 𝐼𝑚𝑚𝑖𝑔𝑟𝑎𝑡𝑖𝑜𝑛 𝐷𝑒𝑝𝑎𝑟𝑡𝑚𝑒𝑛𝑡
𝐵𝑜𝑤𝑑𝑒𝑛 𝐽𝑜𝑛𝑒𝑠 𝑆𝑜𝑙𝑖𝑐𝑖𝑡𝑜𝑟𝑠
📍 𝐿𝑜𝑛𝑑𝑜𝑛 𝑂𝑓𝑓𝑖𝑐𝑒
📞 𝑂𝑓𝑓𝑖𝑐𝑒: 020 3740 5530
📱 𝐷𝑖𝑟𝑒𝑐𝑡: +44 7788 634163
✉️ 𝐸𝑚𝑎𝑖𝑙: 𝑠𝑘𝑢𝑚𝑟𝑖𝑗𝑎@𝑏𝑜𝑤𝑑𝑒𝑛𝑗𝑜𝑛𝑒𝑠.𝑐𝑜.𝑢𝑘
🌐 𝑊𝑒𝑏𝑠𝑖𝑡𝑒: 𝑤𝑤𝑤.𝑏𝑜𝑤𝑑𝑒𝑛𝑗𝑜𝑛𝑒𝑠.𝑐𝑜.𝑢𝑘

𝐌𝐁𝐘𝐋𝐋𝐈𝐌 𝐕𝐈𝐓𝐈𝐍 𝐌𝐄 𝐋𝐀𝐉𝐌𝐄 𝐓𝐄 𝐌𝐈𝐑𝐀

𝐍𝐉𝐎𝐅𝐓𝐈𝐌 𝐙𝐘𝐑𝐓𝐀𝐑

Kemi kënaqësinë të ndajmë një hap të rëndësishëm në rrugëtimin tonë profesional: kemi bashkuar forcat me Bowden Jones Solicitors, një firmë ligjore e respektuar në Mbretërinë e Bashkuar.

Ky bashkëpunim na mundëson të punojmë brenda një ekipi më të madh dhe me burime më të forta, duke rritur ndjeshëm kapacitetin tonë për të ofruar shërbime ligjore edhe më të strukturuara, të qëndrueshme dhe efektive për klientët tanë.

Fushat kryesore të praktikës:

•⁠ ⁠Criminal Law
•⁠ ⁠Civil Litigation
•⁠ ⁠Arbitration
•⁠ ⁠Immigration

Kam nderin dhe privilegjin që më është besuar drejtimi i Departamentit të Emigracionit, një përgjegjësi që e marr me përkushtim të plotë profesional dhe etik.

🏆 𝐓𝐫𝐞𝐧𝐝 𝐀𝐰𝐚𝐫𝐝𝐬 𝟐𝟎𝟐𝟓

Ky vlerësim reflekton standardet e larta të punës dhe reputacionin profesional të firmës, duke qenë një motivim i fortë për të ruajtur cilësinë, transparencën dhe integritetin në çdo çështje që trajtojmë.

Përvoja e ndërtuar ndër vite është baza jonë më e fortë:
menaxhim i kujdesshëm i dosjeve, komunikim i qartë me klientët dhe fokus i vazhdueshëm në zgjidhje konkrete dhe të qëndrueshme.

Çdo rast trajtohet me seriozitet maksimal, dokumentacion të rregullt dhe qasje strategjike, me qëllim arritjen e rezultateve më të mira të mundshme.
Kjo ka bërë të mundur trajtimin me sukses të mijëra dosjeve përgjatë këtyre viteve.

Faleminderit për besimin tuaj.
Vazhdojmë me përgjegjësi edhe më të madhe në vitin e ri.

𝑆𝑎𝑖𝑚𝑖𝑟 𝐾𝑢𝑚𝑟𝑖𝑗𝑎
𝐻𝑒𝑎𝑑 𝑜𝑓 𝐼𝑚𝑚𝑖𝑔𝑟𝑎𝑡𝑖𝑜𝑛 𝐷𝑒𝑝𝑎𝑟𝑡𝑚𝑒𝑛𝑡
𝐵𝑜𝑤𝑑𝑒𝑛 𝐽𝑜𝑛𝑒𝑠 𝑆𝑜𝑙𝑖𝑐𝑖𝑡𝑜𝑟𝑠

📍 𝐿𝑜𝑛𝑑𝑜𝑛 𝑂𝑓𝑓𝑖𝑐𝑒
📞 𝑂𝑓𝑓𝑖𝑐𝑒: 020 3740 5530
📱 𝐷𝑖𝑟𝑒𝑐𝑡: +44 7788 634163
✉️ 𝐸𝑚𝑎𝑖𝑙: 𝑠𝑘𝑢𝑚𝑟𝑖𝑗𝑎@𝑏𝑜𝑤𝑑𝑒𝑛𝑗𝑜𝑛𝑒𝑠.𝑐𝑜.𝑢𝑘
🌐 𝑊𝑒𝑏𝑠𝑖𝑡𝑒: 𝑤𝑤𝑤.𝑏𝑜𝑤𝑑𝑒𝑛𝑗𝑜𝑛𝑒𝑠.𝑐𝑜.𝑢𝑘

Ligj i ri në Mbretërinë e Bashkuar: çfarë ndryshon me Border Security, Asylum and Immigration Act 2025?

Më 2 dhjetor 2025, Border Security, Asylum and Immigration Act 2025 mori Royal Assent dhe tani është ligj.
Ky ligj i ri sjell disa ndryshime shumë të rëndësishme si për migrantët, ashtu edhe për bizneset:

🔹 Right to Work më i ashpër
Rregullat kundër punësimit ilegal tashmë shtrihen jo vetëm te punonjësit klasikë, por edhe te punëtorët e agjencive, gig-economy, freelancerët dhe subkontraktorët. Punëdhënësit mund të mbajnë përgjegjësi edhe për persona që punojnë nëpërmjet zinxhirit të furnizimit, jo vetëm me kontratë direkte.

🔹 Gjobat shumë më të larta
Gjobat për punësim ilegal rriten deri në £60,000 për person, krahas rrezikut për humbje licence sponsori dhe pasoja të tjera serioze.

🔹 Fuqi të reja në kufi dhe kundër varkave të vogla
Forcohen mjetet ligjore kundër trafikantëve dhe organizatorëve të kalimeve në Kanal, përfshirë vepra penale të reja dhe përdorim më të gjerë të të dhënave dhe kontrolleve në kufi.

🔹 Mbikëqyrje më e fortë ndaj këshilltarëve të emigracionit
Autoriteti rregullator merr kompetenca të reja për gjoba, kthim tarifash dhe pezullim licences ndaj atyre që japin këshilla të gabuara apo abuzive.

📌 Për bizneset kjo do të thotë nevojë urgjente për të rishikuar politikat e punësimit dhe marrëdhëniet me agjencitë / subkontraktorët.
📌 Për migrantët, sistemi bëhet edhe më kompleks – këshillimi i saktë ligjor është më i rëndësishëm se kurrë.

Mes titujve alarmantë për “deportimin e 700 familjeve shqiptare”, po shoh çdo ditë nga afër frikën dhe pasigurinë në zyrë – prindër të shqetësuar, fëmijë që nuk e kuptojnë çfarë po ndodh, shumë informacione të përziera dhe shpesh të pasakta.

Pikërisht për këtë, në këtë artikull kam shpjeguar:
• çfarë do të thotë realisht plani për këto 700 familje,
• sa zgjat procesi dhe cilat janë hapat konkretë ligjorë,
• kur ka ende hapësirë për ta sfiduar një vendim deportimi.

Qëllimi është që çdo familje e prekur të ketë informacionin e duhur ligjor dhe të ketë mundësinë e mbrojtjes në të gjitha shkallët e proceseve ligjore që ofron ligji në Angli.
@news24al

Para pak minutash në @topchannelalbania
S’ka të ndalur vala e ndryshimeve ligjore në Angli.
Deri tani masat prekën kryesisht migrantët ilegalë, por tani qeveria po propozon ndryshime që prekin drejtpërdrejt edhe migrantët me leje qendrimi të rregullt në Mbretërinë e Bashkuar.

Sipas Home Secretary Shabana Mahmood (referuar BBC News), periudha për Indefinite Leave to Remain (ILR) do të rritet nga 5 vite në 10 vite për të gjithë ata që kanë ardhur pas vitit 2021.

Kjo është pjesë e një sistemi të ri të quajtur “earned settlement”, ku ILR nuk është më automatik, por duhet “të fitohet”.

Ndryshimet kryesore të propozuara janë:

* Afati standard për ILR rritet në 10 vite.
* 15 vite pritje per Migrantët qe kane mare benefite deri ne 12 muaj:
* 20 vite pritje per Migrantët qe kane mare benefite deri mbi 12 muaj:
* Punëtorët e kujdesit shëndetësor/social (post-Brexit): 15 vite (nga 5 aktualisht).
* Familjarët nuk marrin ILR automatikisht; secili duhet të plotësojë kriteret për vete.
* Fëmijët nën 18 vjeç mund të aplikojnë me prindërit; për të rriturit ka kushte të veçanta.

Kriteret e reja të detyrueshme për ILR:

* Anglisht në nivel A-level.
* Të ardhura mbi £12,570/vit për të paktën 3 vite.
* Rekord penal i pastër.
* Dëshmi integrimi dhe kontributi ekonomik.

Rrugët e shpejta të mundshme (fast-track):

* Mjekët dhe infermierët në NHS: ILR pas 5 viteve.
* Talente të larta, sipërmarrës dhe të ardhura të larta: ILR pas 3 viteve.
* Rrugët ekzistuese për viktimat e dhunës në familje, partnerët e mbetur ve dhe refugjatët e rishpërndarë mbeten në fuqi.

Referuar BBC, këto masa pritet të prekin rreth 2.6 milion migrantë ligjorë që kanë hyrë në MB që nga viti 2021 – ndër ta edhe një numër shumë i madh shqiptarësh.

Konsultimi mbyllet më 12 shkurt 2026, ndërsa masa pritet të hyjnë në fuqi nga pranvera 2026

Sot në A2 shpjegova shqetësimin real që po përjetojnë qindra familje shqiptare në Mbretërinë e Bashkuar.
Deklaratat e fundit nga autoritetet britanike tregojnë një qasje shumë më të ashpër ndaj emigrantëve, me pasoja të drejtpërdrejta për familjet me fëmijë të mitur.

Thelbi është ky:
📌 Standardet e mbrojtjes po ulen
📌 Procedurat e largimit po përshpejtohen
📌 Familjet kanë nevojë për informacion të saktë dhe veprim me kohë

Qëndrojmë në mbështetje të çdo familjeje të prekur dhe ofrojmë këshillim ligjor për çdo hap që duhet ndërmarrë.

Mirëmëngjes,
Në intervistën për @oranews.one fola mbi situatën e 700 familjeve shqiptare që rrezikojnë largimin nga Britania e Madhe. Pikat kryesore:
• Shumë familje vazhdojnë të qëndrojnë në qendrat e akomodimit sepse kanë të mitur, të mbrojtur deri tani nga ligji britanik.
• Autoritetet po synojnë uljen e mbrojtjes ligjore për fëmijët, për të lehtësuar procedurat e largimit për familjet.
• Ky ndryshim lidhet kryesisht me presionin ekonomik dhe kostot e larta të sistemit të azilit.
• Rreziku kryesor bie te fëmijët dhe stabiliteti familjar, pasi standardet ligjore mbrojtëse po zbuten.

Ne do të vijojmë të informojmë dhe të mbështesim çdo familje të prekur.

Faleminderit Siklajda Shorja për hapësirën dhe vëmendjen që i kushtoni kësaj teme kaq të ndjeshme.

Kthimi i 700 familjeve shqiptare nga UK – një qasje që rrezikon drejtësinë dhe të drejtat e njeriut

Qeveria britanike ka deklaruar se rreth 700 familje shqiptare me kërkesa azili të refuzuara do të jenë prioritet për kthim, në kuadër të politikave të reja të azilit. Shqipëria konsiderohet “vend i sigurt”, ndaj deportimet pritet të përshpejtohen.

Problemi?
Kjo qasje i trajton familjet si numra, jo si raste individuale me histori të ndryshme, fëmijë të integruar në shkolla dhe rrethana që kërkojnë analizë njerëzore e ligjore.

Proceset e shpejta rrezikojnë:
⚠️ të drejtën e apelimit
⚠️ parimin “best interests of the child”
⚠️ Artikullin 8 të ECHR për jetën familjare

Familjet shqiptare meritojnë vlerësim individual, jo vendime kolektive të nxituara.

🇬🇧 UK po mbyll “mbrojtjen e përhershme” për refugjatët – çfarë do të thotë kjo konkretisht për refugjatët dhe për shqiptarët?

Sipas BBC, qeveria britanike pritet të ndryshojë rrënjësisht sistemin e azilit:
👉 personat që fitojnë azil nuk do të kenë më rrugë të drejtpërdrejtë drejt qëndrimit të përhershëm,
👉 por vetëm qëndrim të përkohshëm, me rishikim periodik të statusit dhe synim kthimin në vendin e origjinës sapo ai të konsiderohet “i sigurt”.

Deri sot, modeli ka qenë:

azil → 5 vite leje qëndrimi → aplikim për ILR (qëndrim i përhershëm) → mundësi për nënshtetësi.

Me politikën e re, mesazhi është i qartë:

“Mbrojtje po, por vetëm përkohësisht. Vendosje e përhershme jo automatikisht.”

Ky shkrim synon informim realist për refugjatët dhe komunitetin shqiptar: rregullat po ashpërsohen, pasiguria po rritet dhe vendimet për jetë e familje nuk duhen marrë mbi iluzione, por mbi fakte.

📖 Lexo artikullin e plotë këtu: https://www.saimirkumrija.com/post/uk-drejt-azilit-vetëm-me-qëndrim-të-përkohshëm

RECAP I JAVËS: EMIGRACIONI NË FOKUS ne UK

Kjo javë në Britani është dominuar nga debati për emigracionin, me deklarata të forta nga të dy kryeministrat – Keir Starmer dhe Edi Rama.

Sipas BBC, The Guardian dhe Sky News, Starmer është zotuar se do të “mbyllë autostradën kriminale që kalon nëpër Ballkanin Perëndimor”, përmes së cilës trafikantët sjellin emigrantë të paligjshëm drejt Mbretërisë së Bashkuar.

“Detyra jonë është ta mbyllim dhe të shkatërrojmë bandat që e drejtojnë,” – deklaroi ai.

Në të njëjtën kohë, gjatë një interviste për BBC Radio 4, Edi Rama theksoi se Shqipëria nuk do të pranojë ngritjen e qendrave të kthimit për azilkërkuesit, duke e quajtur këtë një “zgjidhje të gabuar”.

“Emigracioni nuk është problemi – është pjesë e zgjidhjes. Europa po përballet me mungesë të fuqisë punëtore,” – tha Rama.

Rama paralajmëroi gjithashtu se mënyra si trajtohet emigracioni në politikën britanike është “një lojë e rrezikshme”, që mund të dëmtojë vlerat demokratike dhe bashkëjetesën shoqërore.

🇬🇧 ÇFARË DO TË KUPTOJË KJO PËR EMIGRANTËT SHQIPTARË NË MBRETËRINË E BASHKUAR?
• Fokus i qeverisë britanike është lufta ndaj trafikimit dhe rrjeteve kriminale, jo ndaj emigrantëve të rregullt që punojnë e kontribuojnë ligjërisht.
• Shqipëria ka përjashtuar kategorikisht ngritjen e qendrave të kthimit.
• Sipas BBC, numri i shqiptarëve që mbërrijnë me varka ka rënë me 95% që prej marrëveshjes së vitit 2022.

💬 Në thelb:
Debati për emigracionin mbetet i fortë, por komuniteti shqiptar në Britani është tashmë një pjesë e rëndësishme e ekonomisë lokale dhe e jetës së përditshme britanike.

🇬🇧 Rregulla të reja për gjuhën angleze për emigrantët në Mbretërinë e Bashkuar

Qeveria britanike ka njoftuar ndryshime të rëndësishme në kërkesat për gjuhën angleze që do të hyjnë në fuqi nga 8 janari 2026.

Sipas njoftimeve të fundit nga Home Office dhe raportimeve të Financial Times e Free Movement, kandidatët që aplikojnë për:
• Skilled Worker Visa (Puna e kualifikuar)
• High Potential Individual Visa
• Scale-up Visa

do të duhet të dëshmojnë një niveli më të lartë të anglishtes – B2 (ekuivalent me A-level) në të folur, dëgjuar, lexuar dhe shkruar.

📘 Aktualisht kërkohet niveli B1, por me sistemin e ri kërkohet njohuri më e avancuar që tregon aftësi për të komunikuar me lehtësi dhe për të kuptuar tekste komplekse.

Kjo reformë është pjesë e një pakete më të gjerë ndryshimesh në politikat e emigracionit që synon të “forcojë kriteret e vizave” dhe të reduktojë numrin neto të emigrantëve me rreth 6,000 persona në vit.

ℹ️ Mbajtësit aktualë të vizave (që tashmë kanë aplikuar me B1) nuk do të preken menjëherë, nëse aplikojnë për zgjatje brenda të njëjtit kategori vizash.

Burime:
• Free Movement – “Date set for commencement of new student, graduate and work immigration rules”
• Financial Times – UK plans tougher English language tests for migrants
• UK Parliament Library – Immigration policy update 2025

Qeveria britanike ka shpallur se do të ashpërsojë kushtet për migrantët që duan të marrin rezidencë të përhershme (ILR).

Sipas Home Secretary Shabana Mahmood, për të fituar këtë status migrantët duhet:
• Të kenë një nivel të lartë të gjuhës angleze
• Të kenë një dosje të pastër kriminale
• Të kontribuojnë në komunitetin e tyre përmes punës vullnetare
• Të tregojnë integrim duke paguar sigurimet dhe pa marrë përfitime sociale

Gjithashtu, periudha e qëndrimit ligjor që kërkohet për të aplikuar do të dyfishohet nga 5 në 10 vite.

Reform UK, në anën tjetër, kërkon të heqë krejtësisht të drejtën për ILR, duke e zëvendësuar me viza të përkohshme që duhen rinovuar çdo 5 vite.

Ky debat politik prek drejtpërdrejt komunitetin tonë shqiptar në Britani, ndaj është e rëndësishme të jemi të informuar dhe të përgatitur

📢 Protestat në Londër – Fakte, jo frikë

Ditët e fundit në Londër pamë protesta të mëdha kundër emigracionit, me thirrje të forta ndaj qeverisë. Është e qartë që ka shumë zemërim, por përpara se të gjykojmë, duhet të shohim faktet.

⚖️ Çfarë thotë ligji britanik?
Sipas Immigration and Asylum Act 1999, çdo person që kërkon azil ka të drejtë për strehim dhe një mbështetje minimale – vetëm £49.18 në javë. Kjo nuk është privilegj, por një formë mbijetese.

📊 Cilat janë shifrat reale?
• Sot, rreth 32 mijë azilantë strehohen në hotele në Mbretërinë e Bashkuar (nga mbi 56 mijë në kulmin e vitit 2023).
• Kostoja për shtetin është rreth £108 milion në muaj, një shumë e madhe, por jo aq sa shifrat e ekzagjeruara që shpesh përhapen.

👉 E vërteta është kjo:
Azilantët nuk zgjedhin të jetojnë në hotele. Ata bllokohen aty nga procedurat e ngadalta, kontratat e dështuara dhe mungesa e transparencës me komunitetet vendase.

✅ Zgjidhja nuk është të fajësojmë azilantët, por të përshpejtojmë vendimet, të gjejmë strehim më të lirë e më të qëndrueshëm dhe të komunikojmë qartë me qytetarët. Vetëm kështu kursejmë para, mbrojmë komunitetet dhe respektojmë ligjin.

Ky debat nuk është thjesht për emigracionin. Është një provë për vlerat tona si shoqëri:
A do të flasim me fakte dhe drejtësi, apo me frikë dhe retorikë?

ℹ️ Pezullimi i bashkimeve familjare për refugjatët, deri në pranverë 2026

Që prej 1 shtatorit 2025, Mbretëria e Bashkuar ka pezulluar përkohësisht aplikimet e reja për bashkim familjar, kur sponsori ka marrë statusin e refugjatit nëpërmjet azilit ose rrugës së mbrojtjes.

✅ Aplikimet e dorëzuara përpara kësaj date do të vazhdojnë të shqyrtohen.
⏸️ Aplikimet e reja të kësaj kategorie janë ndalur deri në një moment të dytë, me pritshmëri që rregullat e reja të hyjnë në fuqi gjatë pranverës 2026.

📌 Ky ndryshim prek vetëm refugjatët dhe nuk ndikon aplikantët e tjerë për bashkim familjar.

🎥 Për më shumë detaje, mund të ndiqni intervistën time për Ora News këtu:

🇬🇧 Mbretëria e Bashkuar pezullon përkohësisht bashkimet familjare për refugjatët

Më 1 shtator 2025, qeveria britanike pezulloi aplikimet e reja për bashkim familjar nga personat me status refugjati, deri në pranverën 2026 kur priten rregulla më të ashpra.

📌 Kush është refugjat?
Sipas Konventës së Gjenevës 1951, refugjat është ai që, për shkak të frikës së bazuar nga persekutimi (racë, fe, kombësi, grup shoqëror apo mendim politik), nuk mund të kthehet në vendin e tij. Në MB, refugjatët kanë të drejtë qëndrimi dhe mundësi për ribashkim familjar.

📌 Kë prek pezullimi?
Vetëm ata me status refugjati.

❌ Nuk preken: personat me residence të përhershme (ILR/settled status) ose shtetësi britanike.
Këta mund të aplikojnë normalisht sipas rregullave ligjore ekzistuese.

📍 Rëndësia për komunitetin shqiptar
Shqiptarët me azil në MB do të vonohen për ribashkimin me familjarët, ndërsa ata me ILR apo shtetësi britanike nuk preken. Megjithatë, ekziston rreziku që mungesa e rrugëve ligjore t’i shtyjë disa drejt mënyrave të paligjshme e të rrezikshme.

📢 Thirrje: Ndiqni vetëm rrugët ligjore për të mbrojtur të drejtat dhe të ardhmen tuaj.

🇬🇧📢 5 Ndryshime Kryesore në Emigracion (UK, Korrik–Gusht 2025)

Gjatë kësaj vere, qeveria britanike ka sjellë ndryshime të mëdha në politikat e emigracionit. Këto janë pikat që duhet t’i dini ⬇️

1️⃣ Care / Senior Care Workers
👉 Që nga 22 korriku 2025, nuk lejohet më rekrutimi nga jashtë. Lejohet vetëm switching brenda UK me kushte të kufizuara.
⚠️ Çdo aplikim i ri nga jashtë për këtë kategori refuzohet automatikisht. Kini kujdes nga kontratat e rreme – hyrja përmes kësaj rruge nuk është më e mundur.

2️⃣ Skilled Worker Visa
👉 Paga minimale u rrit në £41,700 dhe disa profesione janë hequr nga lista.
⚠️ Kush është nën këtë prag rrezikon refuzim ose probleme në rinovim/ILR.
📌 Për bizneset: çdo gabim në Certificate of Sponsorship (COS) çon në refuzim automatik.

3️⃣ Vizat Familjare
👉 Pragu i të ardhurave është £29,000, por pritet të rritet përsëri.
⚠️ Preken veçanërisht aplikantët vetëpunësuar ose me të ardhura jo të rregullta. Dokumentet e sakta dhe planifikimi financiar janë thelbësore.

4️⃣ Kthimet & Bail Conditions
👉 Deri në qershor 2025, shqiptarët përbënin ~32% të kthimeve të lidhura me azil.
⚠️ Çdo shkelje, edhe e vogël (mosparaqitja për raportim, mosnjoftimi i adresës, mungesa në intervista), konsiderohet thyerje dhe çon në arrest, ndalim dhe rrezik real të deportimit.

5️⃣ Strehimi i Azilkërkuesve
👉 Gjykata lejoi vazhdimin e përdorimit të hotelit Bell/Epping përkohësisht. Qeveria ka paralajmëruar mbyllje graduale të hoteleve.
⚠️ Për momentin, azilkërkuesit do të vazhdojnë të strehohen në hotele deri në njoftime të reja.

✅ Përmbledhje
Klima politike është më e rreptë, me kontrolle më të forta dhe standarde më të larta. Rruga e vetme e sigurt për të jetuar dhe punuar në Angli është rruga ligjore.

________
Avokat Saimir Kumrija
SRA nr. 7015971
Immigration Department Co-ordinator at OPTIMUS LAW - LONDON
First Central 200, 2 Lakeside Drive, London NW10 7FQ
+44 7788 634163
www.saimirkumrija.com
https://www.immigrationadviceservice.co.uk

🇬🇧𝐏𝐫𝐨𝐭𝐞𝐬𝐭𝐚𝐭 𝐩𝐞̈𝐫 𝐡𝐨𝐭𝐞𝐥𝐞𝐭 𝐞 𝐚𝐳𝐢𝐥𝐤𝐞̈𝐫𝐤𝐮𝐞𝐬𝐯𝐞 𝐧𝐞̈ 𝐌𝐛𝐫𝐞𝐭𝐞̈𝐫𝐢𝐧𝐞̈ 𝐞 𝐁𝐚𝐬𝐡𝐤𝐮𝐚𝐫

Të dashur miq,
Gjatë fundjavës në Mbretërinë e Bashkuar janë zhvilluar mbi 27 protesta në qytete të ndryshme si Bristol, Liverpool, Newcastle dhe Londër. Shkaku kryesor ishte vendimi i Gjykatës së Lartë për të larguar azilkërkuesit nga hoteli Bell në Epping deri më 12 shtator.

📍 Nga njëra anë pati protesta kundër sistemit të azilit, të organizuara nga grupe të djathta ekstreme; ndërsa nga ana tjetër pati kundër-protesta, me qytetarë dhe organizata që mbrojnë të drejtat e emigrantëve.
👮 Në disa zona pati tensione dhe ndërhyrje të policisë.
⚖️ Qeveria ka paralajmëruar se do të apelojë këtë vendim, duke deklaruar se qëllimi mbetet mbyllja graduale e përdorimit të hoteleve për azilkërkues, por në mënyrë të kontrolluar.

Çfarë do të thotë kjo për komunitetin shqiptar?
• Sistemi i azilit në UK është nën presion të madh dhe çdo zhvillim i ri ndikon drejtpërdrejt në aplikantët shqiptarë.
• Vendimet ligjore po merren më shpejt, por edhe rreziku i largimeve (deportimeve ose largimeve vullnetare) është në rritje.
• Është e rëndësishme të ndiqni zhvillimet me kujdes dhe të keni këshillim ligjor të specializuar për çdo hap që ndërmerrni.

📢 Njoftim i rëndësishëm: Ndryshime në rregullat e emigracionit në Mbretërinë e Bashkuar (Korrik 2025)
Nëse jeni shtetas shqiptar që jetoni në MB ose planifikoni të aplikoni për vizë, ju rekomandojmë të lexoni me kujdes këto ndryshime të reja që kanë hyrë në fuqi:

🔹 Vizat e punës (Skilled Worker)
• Rritet niveli minimal i kualifikimit – kërkohet diplomë universitare (niveli RQF 6).
• Rroga minimale për t’u sponsorizuar është rritur në £41,700 në vit.
• Shumë profesione të thjeshta nuk janë më të vlefshme për vizë, përveç disa që ndodhen në Listën e Profesioneve me Mungesë (valide deri në fund të 2026).

🔹 Vizat për Kujdesin Social (Care Worker)
• Nuk lejohet më rekrutimi nga jashtë MB për punonjës të rinj në këtë sektor.
• Nëse jeni tashmë në MB, duhet të keni punuar të paktën 3 muaj përpara se të ndryshoni statusin tuaj.
• Nga viti 2029, ndalohet çdo kalim në këtë vizë nga brenda MB.

🔹 eVisa në vend të vizave fizike
• Nuk do të ketë më vizë të stampuar në pasaportë për shumicën e aplikimeve.
• Që nga 15 Korriku 2025, të gjitha lejet jepen si eVisa – vetëm në mënyrë digjitale.

🔹 Azili dhe mbështetja sociale
• Azilkërkuesit që refuzojnë zhvendosjen nga hotelet e shtrenjta në struktura më të thjeshta humbasin të drejtën e strehimit dhe mbështetjes financiare.
• Qeveria britanike synon mbylljen e hoteleve të azilit deri në vitin 2029.

🔹 Verifikimi i moshës me inteligjencë artificiale (AI)
• Po pilotohet një sistem i ri për të kontrolluar moshën e të miturve që aplikojnë për azil – për të shmangur abuzimet me statusin.

📌 Këto ndryshime prekin drejtpërdrejt shqiptarët që:
• Duan të vijnë në MB për punë të thjeshtë,
• Punojnë në sektorin e kujdesit social,
• Planifikojnë të aplikojnë për azil ose leje qëndrimi,
• Janë aktualisht në proces aplikimi për viza pune.

ℹ️ Këshillë: Nëse planifikoni të aplikoni për vizë apo të ndryshoni statusin tuaj, është e rëndësishme të veproni shpejt dhe të kontrolloni nëse kriteret e reja ju prekin.

📺 Sot në Ora News
Në nje diskutim për numrin e shqiptarëve në Britaninë e Madhe dhe deklaratat e fundit të Nigel Farage mbi komunitetin tonë.

📌 5 fakte me shifra dhe bazë ligjore që duhet t’i dini:

1️⃣ Më shumë se 140,000 shqiptarë jetojnë aktualisht në Mbretërinë e Bashkuar, sipas të dhënave të Home Office dhe ONS (Office for National Statistics).

2️⃣ Vetëm rreth 1.500 shqiptarë ishin në burg në Angli dhe Uells deri në vitin 2024 – kjo është më pak se 1.1% e totalit të të burgosurve dhe nuk përfaqëson komunitetin shqiptar në tërësi.

3️⃣ Mbi 20,000 shqiptarë kanë aplikuar për azil në vitin 2022 – shumica e tyre ishin të rinj pa dokumente, shpesh viktima të trafikimit dhe shfrytëzimit, sipas raportit të Home Office dhe Komisionerit për Anti-Trafikimin.

4️⃣ Ligji britanik nuk lejon deportimin automatik të një shtetasi të huaj nëse ai/ajo ka të drejtën e qëndrimit përmes familjes, martesës, apo si prind i një fëmije britanik (bazuar në Rregullat e Emigracionit dhe jurisprudencën e Gjykatës së Apelit).

5️⃣ Komuniteti shqiptar kontribuon ekonomikisht: qindra biznese shqiptare janë të regjistruara në UK, dhe shumë shqiptarë punojnë ligjërisht si taksapagues në ndërtim, shëndetësi, gastronomi dhe sektorë të tjerë esencialë.

🇦🇱 Shqiptarët nuk janë thjesht “shifra” për debate politike – janë njerëz, punëtorë, prindër, studentë dhe profesionistë.
🛑 T’i ndalim përgjithësimet. Të flasim me fakte.

Histori Suksesi: TrustMed Hyn në Tregun Britanik!

Jam krenarë të ndajë me ju që kemi mbështetur me sukses TrustMed, një nga kompanitë kryesore të turizmit dentar nga Shqipëria, në zgjerimin e tyre në tregun e Mbretërisë së Bashkuar! 🇦🇱➡️🇬🇧

Nga struktura ligjore deri te përputhshmëria dhe strategjia, kemi qenë pranë tyre në çdo hap.

Tani, ata po hedhin një hap të ri emocionues:

🦷 Roadshow i parë i TrustMed në Mbretërinë e Bashkuar
📍 Londër – 4 Korrik
📍 Birmingham – 5 Korrik
📍 Manchester – 6 Korrik

Këto evente shënojnë fillimin e një kapitulli të ri për kujdesin dentar cilësor dhe të përballueshëm për pacientët në MB — dhe jemi shumë krenarë që jemi pjesë e këtij rrugëtimi.

Nëse jeni një biznes në Shqipëri apo Ballkan dhe dëshironi të zgjeroheni në tregun britanik, jemi këtu për t’ju mbështetur në hapin tuaj të radhës.

Le ta bëjmë realitet!
🌐 www.trustmedal.co.uk

.pro-gallery-wix-wrapper {display: block !important;} .pro-gallery-wix-wrapper .gallery-item-container {opacity: 1 !important; display: block !important;}

Me shume ne Instagram

@av.saimirkumrija

VIDEO

RAMA përplaset me ANGLINË për DËBIMET/ AVOKAT KUMRIJA sqaron gjithçka në BREAKING

Ka shqiptarë që arrestohen, por jo në ato shifra! Avokati Saimir Kumrija komenton mediat...

Dëbimi i 700 familjeve shqiptare nga Anglia/ Rriten tensionet mes Tiranës dhe Londrës

Kumrija: Bashkimi familjar për refugjatët në Mbretërinë e Bashkuar pezullohet përkohësisht

Debati Faragë - Rama për shqiptarët e burgosur në Angli, flet avokati Saimir Kumrija

Av.Saimir Kumrija, Karriera & Rrugetimi Profesional në BUSSINES IMMIGRATION në Mbretërinë e Bashkuar

Avokati: Duan të heqin statusin e mbrojtjes për minorenët që t'i largojnë shqiptarët ligjërisht

“Mbi 100 mijë emigrantë shqiptarë në Angli”, statistikat e avokatit: Kanë hyrë ilegalisht

Britania kthen pas 700 familje shqiptare!Avokati:SHPETONI nga ky vendim,DOSJEN DUHET ta dërgoni në

Kush nuk i do shqiptarët në Britani? Avokati nga Londra: Ja pse po dëbohen

“Shqiptarët nuk janë problematikë”, avokati nga Londra: Janë integruar

Pse po dëbohen shqiptarët nga Britania? Avokati nga Londra tregon arsyet

Nga Londra avokati Kumrija shpjegon rrugët ligjore për punësim në Angli

Kumrija: Anglia ka qenë gjithmonë një vend i admiruar për shqiptarët

Kumrija: Shqiptarët kanë luajtur me sistemin në Angli

Kumrija: Ndryshimi i standarteve për dosjet e emigracionit në Angli, të rinjtë mos rrezikojnë

Av.Saimir Kumrija: Cili do emigrant që përmbush kriteret e kërkuara, përifton azil në Angli

EXPERIENCE

Experience

My Focus

UK Immigration - I support matters across a wide range of immigration routes, including Skilled Worker, Family routes, Indefinite Leave to Remain (ILR), Naturalisation, Student visas, and Global Business Mobility routes.
Case and Procedure Management: I assist with case preparation and procedural coordination, including documentation, online applications, and case deadlines.
Sponsor Licence & Compliance: I support work related to Sponsor Licence processes, including SMS management, Certificates of Sponsorship (CoS), right-to-work checks, and compliance-related matters.
Team Coordination & Client Communication: I contribute to the organisation of case workflow within the immigration team and assist with client communication in English, Albanian, and Italian.
Relocation & Settlement in Albania: I also assist foreign individuals and companies with legal and administrative processes related to relocation, investment, and establishment in Albania.

Key Experience

My professional experience has been closely connected to immigration case coordination and legal case management.

I currently work as a Registered Foreign Lawyer at Bowden Jones Solicitors. Previously, I held the position of Registered Foreign Lawyer at Optimus Law, and earlier roles included Registered Foreign Lawyer Sperrin Law and Registered Foreign Lawyer at Lexmark Legal.

Alongside my work in legal practice, I am also the Co-Founder and Director of Vivere in Albania, initiatives focused on supporting international clients with cross-border legal and administrative matters.

Languages

Albanian – English – Italian

EDUCATION

AFTESI